Martxoaren 19an Atharratzetik abiatuko da 24. Korrika, hamar egun beranduago Bilbora heltzeko. Tartean Euskal Herriko herri eta auzoak zeharkatuko ditu euskararen aldeko egitasmo erraldoiak, baita Zumaia ere: martxoaren 25en iritsiko da herrira, 17:09 aldera.
Korrikaren harira herrian antolatu daitezkeenen inguruan aritzeko, bigarren bilera irekia izango da bihar, urtarrilak 14, 17:00etan Igor AEK Euskaltegian. Azaldu dute guztion ekarpena eta ahalegina beharrezkoak direla Euskal Herri euskalduna lortzeko. Horrez gain, euskararen lekukoa Atharratzetik Bilbora guztion esku eta oinei esker eramango dela ere azpimarratu dute.