Susa argitaletxeak, Euskal Herriko Antzerkizale Elkartea (EHAZE) elkartearekin batera, Ganbila liburu bilduma du martxan, euskal antzerkigintzaren ikuspegi zabala emateko asmoarekin. Atzo aurkeztu zituzten Donostia bilduma horren beste bi liburu, Kamikaz Kolektiboaren Fikziraultzaileak, eta Maite Aizpuruaren Herrenaren promesak.
Bi argitalpenek oraindik oholtza gainean ikusgai dauden antzezlanak biltzen dituzte. Iraia Elias zarauztarra, Amancay Gaztañaga zestoarra eta Xanti Agirrezabalaga eta Erika Olaizola azpeitiarra partaide dituen Kamikaz Kolektiboaren kasuan, Hiru kortse, azukre asko eta brandy gehiegi eta Renata testuak bildu dituzte liburu batean; hiru dira, bestalde, Maite Aizpurua zumaiarrak Infinitudramarekin egin eta liburu batean jasotako testuak: Erresistentzia arazo fisikoa da, Promesa berdina egin diegu lagun guztiei eta Promesarik txikiena.
Ganbila bildumako koordinatzaile Oier Guillanen arabera, Kamikaz Kolektiboaren zein Infinitudramaren proposamenak, biak, "egungo oholtzetan idazketa kolektiboa ulertzeko bi modu garaikideren adierazle dira",