Irabazi arte telesail arrakastatsua bosgarren denboraldira heldu da, eta haren lehen kapitulua ikusgai izango da urtarrilaren 31n Aita Mari aretoan egingo duten estreinaldian. Emanaldia 17:00etan izango da, eta sarrerak doan izango dira gonbidapenarekin. Haiek datorren astelehenean, hilaren 26an, eskuratu ahal izango dira sarrerakzumaia.eus atarian, goizeko 10:00etatik aurrera. Pertsonako gehienez lau gonbidapen lortu ahal izango direla azaldu du Udaleko Kultura Sailak.
Sinopsia
Arene eta bere lagunek institutuko azken urteari aurre egingo diote. Azken urtea lasaia izango zela ematen zuen arren, azkenean, ez da hola izango: norbait ez dago klubeko festa egunean gertatutakoa ahazteko prest eta denek ordaindu beharko dute gau zorigaiztoko hartan egindakoagatik.