Atzo aurkeztu zuten Donostian 100 urte botez bote izeneko liburua. Argitalpena Gipuzkoako Pilota Federazioaren mendeurrenaren bueltan argitaratu dute. Pilotak Gipuzkoan izandako ibilbidea jasotzen du argitalpenak, eta lurraldeko pilota kluben historia ere jasotzen du, Zumaiako Kirol Elkartearena barne. Liburua Daniel Carballo zumaiarrak koordinatu du, eta berea da historia atala ere.
Zumaiarrek badute presentzia handiagoa liburuan. Hala, Federazioko presidente izan zen Javier Carballoren inguruko pasartea ere jaso dute. Carballo berarenak dira, bestalde, liburua janzten duten hainbat argazki.