Eire Maya sortzaile eta musikari zumaiarrak Ikasle saria jaso zuen atzo, ostiralez, Huhezinema jaialdiaren barruan. Hain zuzen ere, ikus-entzunezko komunikazioko ikasleak Zeharkatzen gaituena film laburrari esker jaso du epaimahaiaren aitortza. Atzo jaso zuen Mayak saria Aretxabaletako (Gipuzkoa) Arkupe aretoan egindako sari banaketa ekitaldian.
Huhezik, Mondragon Unibertsitateko Humanitate eta Hezkuntza Zientzien fakultateak, 2008an jarri zuen martxan Huhezinema jaialdia. Harrezkero, urtez urte egin dute egitasmoa; aurtengoa 19. edizioa izan da.