Etxean bizi diren baina zainketa behar bereziak dituzten pertsonei arreta emateko helburuarekin, zabaldu dute jada aldi baterako egoitza egonaldien programan eskabidea aurkezteko epea. Programaren bitartez, zaintzaileei eta familiei atseden hartzeko aukera eman nahi diete, batik bat, oporrak hartu ahal izateko, nekea arintzeko edo izan ditzaketen bestelako beharrei erantzuteko.
Banaka baloratzen dute kasu bakoitza, zaintzailaren eta zaindua den pertsonaren egoera pertsonala, soziala eta familiarra. Zerbitzuak zaintza, arreta pertsonala eta egoitzako baliabideak eskaintzen ditu. Zumaiako Udaleko Gizarte Zerbitzuen Sailaren bitartez jaso daiteke programaren berri, eta bertan egiten dute kasu bakoitzaren balorazioa eta izapidetzea ere. Horretarako, erreferentziazko gizarte langilearekin hitzordua eskatzea beharrezkoa da. Kontaktuan jartzeko, 943-86 22 00 telefono zenbakira deitu edo brankaharrera@zumaia.eus helbidera idatz daiteke.