Pilota partidarik ez da faltako datorren asteburuan ere Aitzuri pilotalekuan. Lau partida jokatuko dituzte guztira, larunbatean eta igandean bina.
Larunbatean, 17:00etan hasita, infantil mailako paleta larruzko partida jokatuko dute Zumaiak eta Ilunpe 2 taldeek. Gipuzkoako txapelketako partida izango da, eta zumaiarren aldetik Luken Osanbelak eta Aimar Rodriguezek jokatuko dute.
Ondoren, 19:30ean hasita, kimuen kategoriako eskuz binakako partida jokatuko dute Zumaiak eta Bergarak.. Iker Diri eta Erik Banda izango dira zumaiarren ordezkari.
Igande goizean, berriz, 10:30ean hasita, zesta puntako bi partida izango dira jokoan. Hasteko, Gipuzkoko txapelketarako puntuagarria den infantil kategoriako partida jokatuko dute Zumaiak eta Danok Bat 3-k. Haitz Leon eta Aner Saizabal kantxaratuko dira Zumaiaren izenean.
Ondoren, Euskadiko txapelketako lehia izango da, kadete mailan. Zumaiako Eñaut Goñi eta Igor Enbil Noain nafarren aurka arituko dira.