Monica Rubio Ortegaren irudi koloretsuak irabazi du inauterietako kartel lehiaketa. Aipatu irudia erabiliko du Udaleko Kultura Sailak otsailaren erdi aldera ospatuko diren jaietako egitaraua iragartzeko.
Lan saritua, lehiaketara aurkeztutako lan guztiekin batera, Alondegia kultur etxeko sarreran erakutsiko dute otsailaren 5etik 16ra bitartean. Bisitariek gogokoen dituzten lanen aldeko botoa emateko aukera izango dute. Boto gehien jasotzen dituen kartelak irabaziko du lehiaketako herritarren saria. Gertu merkatarien elkarteak emandako 50 euroko erosketa txartela izango da, herriko saltokietan erabiltzeko.