Telebista saiotik abiatuta, agertokietarako emanaldi ere bihurtu da Go!azen telesaila, eta horren bi pilula izango dira otsailaren 8an Zumaiena aretoan. Go!azen kontzertuen bi emanaldi izango dira aipatu egunean, arratsaldean: 17:00etan izango da lehena eta 19:00etan bigarrena.
Iazko abenduaren hasieran jarri zituzten sarrerak salgai, eta zapatuko lehen emanaldirako sarrerak dagoeneko ahituta daude. Bigarrengorako oraindik sarrerak geratzen direla azaldu du Udaleko Kultura Sailak. Internet bidez eskuratu daitezke, sarrerakzumaia.eus webunean, 10,60 euroan.