Korokoiak abesbatzak Sasi Ageda kalejira egingo du aurten ere. Izan ere, "eske erronda kalekumea" antolatu dute otsailaren 4rako, makilak eskuan hartu, eta kopla zahar eta berriekin neguko hotza lagun artean epeltzeko.
18:30ean hasita, Victoriano Arrate etorbidean, Gernika parkean eta Kupela plazan abestuko dute; eta Kofradian eta Amaia plazan amaituko dute kalejira. Jarduera irekia dela azaldu dute Korokoiak taldekoek, eta esan dute ongi etorriak izango direla bertsotarako gogoa nahiz kantu berriak.