Zumaiako Udaleko Kultura Saila dagoeneko santelmoei begira jarri da. Oraindik ez dira Inauteriak heldu, baina San Telmo jaiak antolatzeko lehenengo bilera deitu du jada. Otsailaren 10an egingo dute bilera, asteartez, 18:30ean hasita, Komentuko Frantziska Labaien bilera gelan.
"Jaiak beti lankidetzan antolatu izan ditugu, herriko elkarteen parte hartzerik gabe ez baititugu ulertzen, eta aurten ere zuekin partekatu nahi dugu udalak Santelmoekiko egindako hausnarketa eta dugun proposamena", adierazi du udalak. Helburu horrekin deitu du astearteko bilera.
Santelmoak aurten apirilaren 10etik 19ra ospatuko dira Zumaian.