Aurrera doaz Erkibe etxe aurreko lorategiak eta Eusebio Gurrutxaga plazak bat egiteko lanak. Aipatu lorategian egiten ari diren lanak Odieta kalea ixtera behartuko dute bihar. Hala, bihar, asteartea, Foronda kultur etxe azpitik igarotzen den bidea autoentzako zein oinezkoentzako itxita egongo da, goizeko 08:00etatik 16:30era bitartean.
Hori dela eta, Alde Zaharretik igarotzen den trafikoa desbideratu beharko dute, behin behinean. Autoak Angeles Sorazu kaletik igoko dira Foruen plazara, eta Arritokieta kaletik gora eginda helduko dira San Jose kalera.