Atzoko euriteek eta haizeak eragina izan dute Itzurun hondartzara heltzeko sarbideetako batean. Zehazki, ezker aldeko eskaileretara zenbait harri eta lurra erori ziren, eta sarbide hori ixtea erabaki du Udaltzaingoak, "herritarren segurtasuna bermatzeko".
Udaltzaingoak jakitera eman duenez, bidea itxita egongo da eremua garbitu arte; hala eta guztiz ere, hondartzara jaisteko dauden gainerako bideak zabalik daudela adierazi du.