Eguraldi kaxkarrak ezin izan zuen pasa den larunbatean zumaiarren festa gogoarekin. Mozorrotuta, kalez kale, tabernaz taberna ibili ziren zumaiarrak eguraldi heze eta goibelari kolorea jarriz.
Azken uteotan ohikoa bihurtu den bezala, argazki txokoa egin zen iluntze partean Alondegiko Oxford aretoan, eta banaka, binaka edo taldean igo ziren herritarrak argazkiak ateratzera. Hemen ikus daitezke aurtengo argazki txokoan ateratako argazki guztiak.
Lehiaketa, arratsaldetik aurrera
Argazki txokora igo zirenek izango dute aukera inauterietako mozorro lehiaketan parte hartzeko. Ohi bezala, banakako eta binakako mozorro onenaren saria izango da alde batetik, eta taldekakoa bestetik. Gaur, 18:00etatik aurrera izango da botoa emateko aukera Zumaia Guka webgunean. Botoa emateko epea ostegun gauerdira arte egongo da zabalik.