Asteburu honetan Marty Supreme filma ikusteko aukera egongo da Aita Mari zinema aretoan. Josh Safdiek zuzendutako pelikulak fikziora dakar Marty Reisman Estatu Batuetako ping-pong jokalariaren istorioa.
Umorea eta drama nahasten dituen filmaren kontakizuna 1950eko hamarkadan kokatzen da. Marty Mauser pelikulako protagonistak neurrigabeko anbizioarekin jokatzen du mahai-tenisean, eta edozertarako prest dago bere ametsa betetzeko. Carol Dunne aktore entzutetsuaren laguntzarekin, bere handitasuna erakutsiko dio mundu osoari.
Filma gaurtik astelehenera bitartean emango dute Aita Mari aretoan, 19:30ean, eta sarrerak aurrez erosi ahal izango dira, hemen.