Neguko arropen eta manten bilketa egin eta gero, jasotako materialaren banaketa egingo dute Urola Kostako Kontseilu Sozialistako eta Etxebizitza Sindikatuko kideek egunotan. Gaur eta bihar egingo dute banaketa Aita Mari auzunean dagoen Etxape zentro sozialistan. Gaur 18:00etatik 20:00etara egingo dute banaketa, eta bihar 10:00etatik 12:00etara.
Banatuko duten materiala honakoa izango da: mantak, lo zakuak, esterilak, eskularruak, bufandak, neguko oinetakoak, pixoihalak (0-1, 1 eta 3 neurritakoak), eta konpresak.