Sarrigurengo (Nafarroa) hilketa matxista salatzeko elkarretaratzea deitu du biharko, astelehena, Zumaiako Mugimendu Feministak. 18:30erako jarri dute hitzordua, Saregile plazan.
Gizon batek 28 urteko emakume bat hil zuen ostiral iluntzean Sarrigurenean. Gizonak labanaz erasotu zuen bikotea, eta larrialdi zerbitzuak erasoa gertatu zen etxebizitzara joan baziren ere, ezin izan zuten emakumea suspertu. Gainera, gizonak larri zauritu zuen hildako emakumaren ama.
Aurten Euskal Herrian erregistratu den lehenengo hilketa matxista da Sarrigurengoa.