Komunitate txiki batean, ikasgela bateko ikasle guztiak desagertu dira, bat salbu, eta irakasleak, poliziak nahiz gurasoak haurrak bilatuko dituzte, bakoitzak bere bidetik. Horixe da Ostarrena zine klub taldeak gaurko zineforum saiorako aukeratu duen Weapons beldurrezko pelikularen abiapuntua. Zack Creggerrek zuzendutako filma 19:00etan emango dute Aita Mari aretoan, eta sarrerak aretoko leihatilan izango dira salgai.