Euskadiko zesta punta txapelketako finalera sailkatu dira Cosme Agirre eta Unai Uranga Zumaiako puntistak. Herenegun jokatu zuten finalerako txartela eskuratzeko partida, eguerdi partean, etxean, Aitzuri pilotalekuan, eta aurkariak Noaingo (Nafarroa) puntistak izan zituzten.
Agirrek eta Urangak irabazi zuten lehen jokoa, 15 eta 9 emaitzarekin. Bigarrenean, ordea, nafarrak izan ziren irabazleak, 13 eta 15 emaitzarekin. Berdinketa hausteko jokoa jokatu behar izan zuten, eta han zumaiarrak 10 eta 5 emaitzarekin nagusitu ziren, ondorioz, finalerako txartela eskuratuz.