Kirolak eta aldarriak, aldarriak eta kirolak bat egin zuten atzo goizean Donostiako kaleetan. Eguraldia lagun zutela korritu zuten igandean Lilatoiaren 34. aldia, eta Euskal Herri osotik bertaratutako milaka emakumek bete zituzten hiribiruko kaleak.
Azken urteotan egin bezala, Zumaiako emakume andana joan zen atzo ere Donostiara korrika saioan parte hartzera. Aurten ere Zumaiako Emakumeon Etxearen aterpean egin zuten saltaka saioa, taldean. Eta aurreko edizio batzuetan gertatu den bezala, talde jendetsuenetako izan zen atzokoan ere Zumaiatik joandakoa. Hala, bigarren talde handienaren saria jaso zuen Emakumeon Etxeak.