Eusko Jaurlaritzako Segurtasun Sailak abiatutako Don't be dummy bide heziketa programak geldialdia egin zuen duela hilabete, otsailaren 4an, Zumaian. Aita Mari aretoan egin zuten saioa, eta herriko 214 gaztek jarraitu zuten emanaldia zuzenean. Ekitaldiok trafiko-istripuak prebenitzeko helburua daukate eta Araba, Bizkai eta Gipuzkoako ikastetxeetako gazteei zuzenduta daude.
Zumaian egindako saioan Iban Barba Zumaiako udaltzainburuaren, Getarian izandako istripu batean hanka galdu zuen Ibon Oregiren, eta suhiltzaile baten hitzak entzun zituzten Aita Marira gerturatutako gazteek.