Erabat euripean jokatu dute gaur goizean Joxe Mari Korta Memoriala. 10:00etan hasita, dozenaka txirrindularik parte hartu dute junior proban, eta guztira 82 kilometro osatu behar izan dituzte.
12:00ak aldera iritsi da lehendabiziko txirrindularia helmugara, Team Iparralde taldeko Bastien Laffitte, hain zuzen ere, 2 ordu, hamar minutu eta hamar segundutan. Denbora berarekin, bigarren sailkatu da Limousin taldeko Urko Nazabal, eta hirugarren, aldiz, Aiur Ugartemendia, Irunes taldekoa (2:10:28). Nesketan, aldiz, Maite Urteaga Eulen Amenabar taldeko zumaiarra izan da garaile etxeko proban (2:11:20). Taldekako saria Amporenantzat izan da.