Distira Zumaiako argazki elkarteak antolatutako argazki lehiaketa sozialaren martxoko irabazlea Agustin Aizpurua izan da. Aterkiaren bueltan egin dituzte irudiak elkarteko bazkideek, eta epaileen ustez, Aizpuruarena izan da aurkeztutako lan onena. Bigarren saria Ivan Rodriguezek irabazi du, eta Begoña Peñak nahiz Eduardo Merinok partekatu dute hirugarrena. Guztira, 16 lan aurkeztu dituzte hilabete horretako lehiaketara.
Zumaiako argazki elkartearen webgunean ikus daitezke martxoko lehiaketaren argazki irabazleak.