Gaur amaituko da Larraina euskara taldeak, Zumaiako Udalaren laguntzarekin, antolatutako Euskara, bestela ez gara zikloa. Gaurkoan, 19:00etan hasita, Laburbira programara aurkeztutako zazpi film labur emango dituzte Aita Mari aretoan. Askotariko estilo eta formarekin egindako lanak izango dira ikusgai, dokumentaletik hasi eta fikziora artekoak.
Aurretik, pasa den astean, euskararen orainaz eta etorkizunaz jardun zuen Garikoitz Goikoetxeak Alondegiko Oxford aretoan, zikloko hirugarren hitzorduan. Iñaki Iurrebasorekin batera Esnatu ala hil izeneko liburua argitaratu zuen iaz Goikoetxeak, eta han jasotako hainbat gako plazaratu zituen.