Urtero bezala, Indamendi mendi bazkunak Zumaiako Bira antolatu du martxoaren 29rako, Erramu igandez, eta zumaiar guztiak parte hartzera gonbidatu ditu. Ibilbidea betikoa izango da, eta oinez edo korrika egiteko aukera izango dute herritarrek.
Eusebio Gurrutxaka plazan hasiko dute txangoa, eta Zumaiako inguruak zeharkatuko dituzten (Elorriaga, Arroa Behea, Agote, Ibañarrieta, Oikia eta Artadi) 17 kilometroko ibilbidean. 12 kilometroko ibilaldi motza egiteko aukera ere egongo da, antolatzaileek jakinarazi dutenez.