Hurbiltzen ari dira San Telmo jaiak. Apirilaren 10ean hasiko dituzte festak Zumaian, eta ohikoa den bezala, bi asteburutara luzatuko dira. Udala zein herriko talde, elkarte eta eragileak ari festetarako egitaraua prestatzen. Horien artean dira GKS (Gazte Koordinadora Sozialista) eta IAS (Euskal Herriko Ikasle Antolakunde Sozialista).
Bi antolakundeek dagoeneko eman dute santelmoetarako ondu duten programazioa. Honakoa izango da:
Apirilak 10, ostirala
- 17:30ean, Odieta frontoian, pala egokitua bikoteka.
- Ondoren, Odieta frontoian, kirol ikuskizuna Erantzun Borroka Guneak antolatuta.
Apirilak 11, larunbata
- 21:30ean, Torreberri gaztetxeko aterpean, DJak: Saizar, Kroke eta Xexe.
Apirilak 18, larunbata
- 14:30ean, Torreberri gaztetxeko aterpean, ikasle eta gazte bazkaria.
- 23:00etan, Torreberri gaztetxeko aterpean, kontertuak: Hazas eta Aimarz.