Pazko Igandea izanik, prozesioa eta meza egin dituzte gaur goizean Zumaian. Aurretik, ordea, Arritokietako ermitan Resurrexita egin dute hainbat herritarrek.
Prozesioa Udal Txistulari Bandak lagunduta egin dute, Ama Birjinaren eta Jesukristoren irudiak sorbalda gainean hartuta. Arritokietatik San Pedro parrokiara izan da, bertan izan baita meza nagusia. 11:00 aldera hasi da elizkizuna.