Emaitza onak pilatzen jarraitzen du Maite Urteaga txirrindulari zumaiarrak. Duela bi asteburu Espainiako Kopako proba bat irabazi zuen Galizian, eta atzo bigarren izan zen Eibarko Hiria sari nagusian. UCI kategoriako lasterketa da Eibarren jokatzen dutena, eta horrek oraindik eta garrantzitsuagoa da Urteagaren lorpena.
Lasterketa Usoa Ostolaza txirrindulari zarauztarrak irabazi zuen, Ixuako igoeran emandako kolpeari esker. Laboral Kutxa taldeko txirrindulari zarauztarraren erasoari Urteagak bakarrik eutsi zion. Tontorrera heldu aurretik, baina, erritmoa gogortu zuen Ostolazak, eta hari ezin izan zion Eulen-Amenabarreko ziklistak erantzun. Hala, bakarrik heldu zen Ostolaza Eibarko hirigunean kokatutako helmuga puntura. Haren atzetik bigarren izan zen Urteaga, irabazlearekiko 14 segundora.