Distira Zumaiako argazki elkarteak antolatutako argazki lehiaketa sozialaren martxoko irabazlea Eduardo Merino izan da. Siluetaren bueltan egin dituzte irudiak elkarteko bazkideek, eta epaileen ustez, Merinorena izan da aurkeztutako lan onena. Bigarren saria Fernando Martinek irabazi du, eta Luis Mari Alkortak egin du hirugarren. Guztira, 25 lan aurkeztu dituzte hilabete horretako lehiaketara.
Zumaiako argazki elkartearen webgunean ikus daitezke martxoko lehiaketaren argazki irabazleak.