Nigeriar jatorriko film bati tartea egingo dio Ostarrena zine klub taldeak udaberriko zine forum zikloaren barruan. Akinola Davies zinemagilearen La sombra de mi padre filma emango dute bihar, 19:00etatik aurrera, Aita Mari zinema aretoan. Emanaldirako sarrerak aretoko leihatilan izango dira salgai saioa hasi aurretik.
Nazioarte mailako zinema jaialdi ugaritan saritua, filma 1993ko Nigerian dago girotuta. Lagosen, Nigeriako hiriburuan, 1993ko hauteskunde-krisian, egun bakar batean, aita bat eta haren bi seme alaba txikiak hiri handian zehar bidaiatzen ariko dira, eta ezegonkortasun politikoak etxera itzultzea arriskuan jarriko die.