Literaturako, antzerkigintzako, ikus-entzunetakoen eta komikigintzako proiektuak lagundu ditu diruz aurten ere Udalbiltzak, Geuretik sortuak programari esker. Bekak jaso dituzten sortzaileek Euskal Herriko herri edo eskualde jakin batzuetan egin behar izan dute beraien sormen lanak. Sortzaile horietako bat izan da, adibidez, Goiz Eder Iturain zumaiarra, literaturako arloan.
Diruz lagundutako proiektuen berri ematen den erakusketa ikusgai dago astelehenetik Alondegiko Oxford aretoan. Panelen bidez, sortzaileen inguruko informazioa, egonaldia egindako lekuaren inguruko xehetasunak, eta sormen prozesuaren ondoren egindako lanen berri ematen du.
Erakusketa igande arratsaldera arte bisitatu ahal izango da, 18:00etatik 20:00etara. Ostiralean, larunbatean eta igandean eguerditan ere zabalik izango da, 12:30etik 14:00etara.