Bihar, astelehenarekin, hasiko da herritarrengan jarrera aktiboa eta ohitura osasuntsuak sustatzeko helburua duen II. Mugiment Pausu Erronka. Hainbat herrietako udalek bat egin dute egitasmoarekin, horien artean, Zumaiakoak.
Egitasmoak maiatzaren 31ra arte iraungo du, eta egunean egiten duten pauso kopurua aplikazio batean erregistratzea izango pate hartuko duten herritarren egitekoa. Hala, maiatzaren amaieran pauso gehien metatu dituen udalerriak irabaziko du, eta horrez gain, norbanakoei eta taldeei zuzendutako sariak ere banatuko dituzte.
Egitasmoa doakoa da, eta 14 urtetik gorako jendeari zuzenduta dago. Parte hartzeko Wellk aplikazioa deskargatu, kontua sortu eta izena eman behar da. Esteka honetan aurki daitezke izena emateko xehetasun guztiak.
Jarduera fisikoaren bitartez osasun fisiko eta emozionalean onurak lortzea da II. Mugiment Pausu Erronkaren helburua, eta Euskal Autonomia Erkidegoko udalerrien artean, kirol orientabide zerbitzua duten 56 herri daude erronkan parte hartzera gonbidatuta.