Hamasei urte daramatza Euskal Kostaldeko Geoparkeak Unescoren Munduko mailako geoparkeen sareko partaide izaten. Izendapena, baina, ez da betirako izaten, eta lau urtean behin azterketa pasa behar izaten dute sareko kideek.
Azterketa egingo duten Unescoren bi ebaluatzaileak, Emmaline Rosado-Gonzalez mexikarra eta Alexandru Andrasanu errumaniarra, igandetik dira Euskal Herrian, eta asteazkenera arte egongo dute ebaluazioa. Hala, instituzioetako ordezkariekin bilduko dira egun hauetan, eta Deba, Mutriku eta Zumaia barnebiltzen dituen eremu interesguneak ere bisitatuko dituzte.