Euskal Herriko Itzuliaren lehenengo etapa Zumaiatik igaroko da ostiral goizean, eta ondorioz, Zarautz eta Zumaia lotzen dituen kostaldeko errepidea tarte batez itxita egongo dela ohartarazi du udalak.
Txirrindulariak 10:16an abiatuko dira Zarauzko malekoitik, eta Zumaiara 10:33ak aldera iritsiko direla aurreikusten du antolakuntzak. Hori dela eta, Zumaia eta Zarautz arteko kostako errepidea 10:00ak inguruan itxiko dute, eta txirrindulariak igaro arte egongo da itxita, udalak jakinarazi duenez.
Tarte horretan Zarautzera joateko autopista erabiltzeko gomendatu du Udaltzaingoak.