Telmo Deun arraun elkarteak bukatutzat eman du aurtengo trainerilla denboraldia. Herenegun Ondarroan (Bizkaia) jokatu zituzten Euskadiko txapelketan parte hartu zuen Zumaiako klubak, bi ontzirekin: kadete neskekin eta jubenil mutilekin. Emaitzak ez ziren nahi bezalakoak izan. Kadete neskak hamaikagarren sailkatu ziren, eta zortzigarren jubenil mutilak.
Denboraldia amaituta, klubak eskerrak eman dizkie kategoria horietan lanean jardun duten entrenatzaile, laguntzaile eta gurasoei, "klubaren etorkizunerako lanean jarduteagatik".
Hemendik aurrera, traineruetan zentratuko direla ere adierazi du Zumaiako arraun elkarteak. Lehen hitzordua datorren larunbatean, hilaren 23a izango dute, Mutrikun egingo duten traineru jaitsierarekin. Bertan, gizonen Telmo Deun ontziarekin hartuko du parte Zumaiak.