Beste hilketa matxista bat gehitu behar zaio aurten Euskal Herrian gertatutakoiei. Foruzainek baieztatu dutenez, pasa den asteburuan gizon batek bere emaztea hil du Nafarroako Arguedas herrian. Euskal Herrian izandako bosgarren indarkeria matxista kasua da.
Hilketa salatzeko, elkarretaratzea deitu du Zumaiako Mugimendu Feministak bihar arratsalderako. 19:30ean egingo dute kontzentrazioa, Saregile plazan. Zumaiako Udalak ere deialdiarekin bat egin du.