Shih-Ching Tsouk zuzendutako La chica zurda filma emango du bihar Ostarrena zine klubak zineforum saioan. Emanaldia 19:00etan hasiko da, Aita Mari zinema aretoan. Sarrerak aretoko leihatilan egongo dira salgai.
Pelikulak emakume batek eta haren bi alabek osatzen duten familiaren istorioa kontatzen du. Hainbat urtez landa eremuko herrixka batean bizi eta gero, Taipei handira (Taiwan) itzultzea erabakiko dute, eta gogor lan egin beharko dute familia aurrera ateratzeko. Belaunaldiz belaunaldi gorde dituzten familiako sekretuak, bestalde, azaleratu egingo dira.