Zumaiako Taosa igeri taldeak 2026-2027 denboraldirako izen-ematea martxan jarri du. Denboraldi berria irailean hasiko da, eta 2019. urtean edo lehenago jaiotako neska-mutilek eman ahal izango dute izena. Datorren ikasturtean Zumaiako igeri klubean aritu nahi dutenek taosaigeritaldea@gmail.com helbidera idatzi beharko dute.
Taosa klubeko arduradunek nabarmendu dutenez, haurrentzat onura fisiko, emozional eta psikomotor handiak dituen kirolen artean dago igeriketa.