Zinemaz gozatzeko aukera izango da asteburu honetan ere Zumaiako Aita Mari aretoan. Hala, bi film ikusteko parada izango da, helduentzat eta haurrentzat bana. Emanaldietarako sarrerak aurrez eros daitezke online, sarrerakzumaia.eus webgunean.
Gaurtik astelehenera bitartean, palestinar jatorriko Todo lo que fuimos filma emango dute Aita Marin. Cherien Dabisek zuzendu, idatzi eta antzeztutako filma, bere familiaren esperientzian oinarritzen da. Saioak 19:30ean hasiko dira.
Igandean, berriz, haurrentzat saioa izango da David, una aventura gigante filmarekin. Emanaldia 17:00etan hasiko da.