Larraina euskara elkarteak eta udalak Olaia Inziarte musikari nafarraren solasaldi musikatua antolatuta zuten atzo iluntzerako Oxford aretoan, eta hura goraino bete zuten herritarrek.
Itziar Ugarte kazetari eta idazleak gidatu zuen solasaldia, eta zuzeneko musika eskaini zuen Inziartek.
Emanaldirako sarrera doakoa zen, baina gonbidapenak aurrez hartu beharra zegoen, eta Larrainak bezperan jakinarazi zuen jada sarrera guztiak agortuta zeudela.