Faxismoa XXI. mendean izaten ari den hazkundeari, haren aurkako borrokak erantzun dio. Horren inguruko kronika eskaintzen du Munstroak sortzen direnean dokumentalak. Diario Socialistak ekoiztutako ikus-entzunezkoak, hainbat pertsonaren hitzak jasotzen ditu, horien artean, Miquel Ramos kazetariarenak edo Mark Bray historialari eta aktibistarenak.
Urola Kostako Kontseilu Sozialistak antolatuta, aipatu dokumentalaren emanaldia izango da gaur arratsaldean, 18:30etik aurrera, Aita Mari auzuneko Etxape Zentro Sozialistan. Jarraian, mahai-ingurua egingo dute.
Bihar, berriz, 11:00etan hasita, autodefentsa tailerra egingo dute zentroan bertan.