Udako Futbol 7 eta Emakumezkoen Areto Futbol txapelketak antolatu dituzte uda sasoi honetarako. Lehenengoaren kasuan, izen ematea pasa den ostiralean itxi zuten. Emakumeen txapelketarekin ere berdin gertatu behar zuen, baina antolatzaileek izen ematea beste astebetez irekita edukitzea erabaki dute.
Oinarrien arabera, gutxienez, zazpi jokalarik osatu beharko dute talde bakoitzak, eta 2008. urtea baino lehen jaiotako emakumeek eman dezakete izena.
Lubaki kiroldegian dagoen inprimakia beteta eman dezakete izena herritarrek, eta areto futboleko talde bakoitzak, berriz, 100 euroko kuota ordaindu beharko du.