Udalhitz lan hitzarmenaren hobekuntza eskatzeko eta udaletako lan baldintzak Araban, Bizkaian eta Gipuzkoan erabaki daitezela aldarrikatzeko, EAEko udal langileak grebara deituta daude bihar, osteguna. Zumaiako udal langileek bat egin dute greba ELA eta LAB sindikatuek zabaldutako deialdiarekin, eta ondorioz, murrizketak izango dira udalak ematen dituen zerbitzuetan. "Ezin izango da udal zerbitzuen ohiko funtzionamendua bermatu", jakinarazi du udalak.