Harrobiko txirrindularien lasterketak jokatuko dituzte bihar arratsaldean Zumaian, zehazki, Axular ibiltokian. Kirol jarduera hori dela eta, bidea ibilgailuentzat itxita egongo da, arratsaldeko une batean.
Udaltzaingoaren arabera, 16:00etatik 17:30era arte itxiko dute Axular, Fielatotik Txikierdiko biribilgunera arte. Behin lasterketak amaitutakoan, Bonbillo inguruko eta Jadarreko bizilagunek atera ahal izango dituzte autoak. Tarte horretan autoa ez erabiltzea eskatzen zaie kale eta auzune horietako bizilagunei.
Probak irauten duen bitartean, saihesbidea erabili beharko dute auto zein autobus gidariek.