Eguraldi onarekin bisitari ugari etorri ohi da kostaldera, eta Zumaia ez da salbuespena izaten. Eskualdekoak, baina baita Euskal Herriko beste herrietako jendea inguratzen da herrira, eta horiei uda sasoiarekin batera oporretan dauden nazioarteko herrialdetako turistak ere gehitzen zaie.
Asteburu honetan, gainera, hondartza denboraldia ere zabaldu da, eta horrek areagotu egin du bisitari kopurua. Hala, Itzurun zein Santiago hondartzek erabiltzaile kopuru handia izan dute, baita herriko tabena eta jatetxeek ere. Askorentzat ez da erraza izan bazkaltzeko leku bat aurkitzea herriko ostalaritza establezimenduetan.