San Pedro jaiak ate joka diren honetan, Zumaiako Udaleko Kultura sailak dei egin die herriko gaztetxoei festetako ekainaren 28ko buruhandien kalejiran parte hartzeko. 18:00etan aterako da erraldoien eta buruhandien kalejira udaletxe aurretik, eta 10 eta 14 urte arteko gaztetxoek izango dute buruhandi gisa parte hartzeko aukera.
Gaztetxoen parte-hartzea sustatzeko, eta Gertu elkarteko erosketa bonoak banatuko ditu udalak. Izena emateko, 943-86 10 56 telefono zenbakira dei egin dezakete, edo kulturetxea@zumaia.eus helbidera idatzi. Behar izanez gero, zozketa egingo dute izena emango duten guztien artean.