2025-26 ikasturteari amaiera emateko ekitaldi desberdinak antolatu ditu Zumaiako Musika eta Dantza Eskolak duela aste batzuetatik hona. Herriko gune desberdinetan egin dituzte musika eta dantza saioak. Atzo arratsaldean dantza emanaldia egin zuten Zumaiena Ikastolako aretoan. Irakatsitako dantza estilo desberdinak jendaurrean erakusteko aukera izan zuten ikasleek.
Egun handia izango da biharkoa eskola horrentzako, kurtso amaierako jaialdia egingo dutelako arratsalde partean. 17:30ean hasiko da ekitaldia, Eusebio Gurrutxaga plazan.