Gaurtik datorren astelehenera arte itxita egongo da Lubaki kiroldegia. Udaleko Kirol Sailak jakitera eman duenez, aste honetan zehar legionelaren aurkako derrigorrezko tratamendua egingo dute piszinan, baita mantenimendu lanak ere kirol instalazio osoa.
Behin lanak bukatuta, datorren astelehenean, ekainaren 29an, irekiko dute berriro Lubaki, baina, San Pedro eguna jaieguna izanik, goizez bakarrik egongo da erabilgarri, 07:30etik 13:00etara bitartean. Ekainaren 30etik aurrera, ohiko ordutegian egongo da zabalik.