Gaztetxearen bueltan sortu duten Gaztiok piztu mugimenduak beste kontzertu sorta bat antolatu du uztaileko lehen astebururako. Uztailaren 3an izango dira kontzertuak, 21:00etan hasita, eta Gaztetxeko agertoki txikira hiru talde igoko dira: Naxker eta Ganibet nafarrak, eta Akeer galdakaoztarrak.
Kontzertu horietarako sarrerak dagoeneko eskuragarri jarri dituzte, 6 euroan. Nikol tabernan eros daitezke, edo antolatzaileek Instagramen duten @gaztiok_piztu kontura idatzita. Egunean bertan ere salgai izango direla iragarri dute antolatzaileek.