San Pedro jaien barruan, festen izen bereko zesta punta txapelketako finalak jokatuko dituzte gaur, 18:00etan, Aitzuri pilotalekuan. Hainbat kategoriatako neurketak izango dira: kimuen, infantilen eta kadeteen mailako neurketak jokatuko dituzte, hain justu ere, eta, tartean, hainbat zumaiar ariko dira txapelaren bila.
Nesketan, Junek (Zumaia) eta Iratik (Tolosa) osatutako bikoteak Aiak (Hormabi) eta Annetek (Zumaia) osatutakoaren aurka jokatuko dute. Mutiletan, kimuen kategorian, Danelek (Mutriku) eta Enaik (Zumaia) Ilanen (Hondarribi) eta Garairen (Andoain) aurka neurtuko dituzte indarrak; infantiletan Iruskietak (Bermeo) eta Aldalurrek (Noain) Palaciosen (Noain) eta Urreiztiren (Mutriku) aurka jokatuko dute; eta, azkenik, kadeteetan Iruskietak (Bermeo) eta Urreiztik (Mutriku) osatutako bikoak Amets (Tolosa) eta Nikolas (Noain) izango dituzte aurrez aurre.